比利時國腳夏薩特喺今屆歐國盃頭兩場分組賽表現唔算話突出，而佢前年由車路士過檔皇家馬德里之後，表現都唔係咁好。喺車仔年代教過夏神嘅現任羅馬教頭摩連奴就話：「呢位比利時翼鋒其實好有天份，係位好勁嘅球員，但佢操練嗰陣表現好懶，如果努力返啲成就肯定再高啲。以佢嘅體能、速度同埋條件，如果佢努力鍛煉，絕對可以變得更好，但家你哋睇到嘅，只是佢嘅天份，唔係佢嘅訓練成果。」