37歲的獨立歌手迪子，最為人難忘是其35E身材及被爆黃子恆邀開房玩「人魔大戰」，她日前受訪時透露，有感香港創作空間被收窄，決定8月底赴台修讀多媒體及搞移民︰「其實一直都想去台灣試吓，嗰邊嘅獨立音樂係做得非常之好。我唔鍾意被人管，鍾意寫乜就寫乜，懶有骨氣。但香港發展到𠵱家，行錯一步都可能犯法，我好辛苦，呢兩年精神層面好抑壓，瞓得好差。」
迪子希望到台灣安頓好後再接家人過去，又直言小學五年級時曾遭父親家暴︰「佢話我應佢應得遲，用屋企電話扑落我頭度，又將凳掉落我度，入院後媽咪同佢離婚，法庭判兩年唔畀佢接觸我哋，𠵱家冇瓜葛。」童年經歷加上黃子恆事件，令迪子對婚姻沒有憧憬，問到覺不覺得男人追她是為了上床，她說︰「個個男人都係咁，但要尊重，唔可以好狗公咁，要對方願意。」
