梁繼璋、李麗蕊和馬小強昨日到港台為節目《瘋Show快活人》開咪。梁繼璋由D100網台忽然跳到港台，D100日前在fb播出「梁繼璋點解要咁做？」特輯，同事指感覺被騙，透露梁繼璋只跟「大班」鄭經翰表示會做殯葬行業，斥責梁繼璋：「咁即係話港台係間殯儀館啦！」梁繼璋昨日回應時說：「呢個節目係我同李麗蕊創立，好開心返嚟呢個大家庭。所有人事上安排，我哋只係主持人，從來冇參與。」梁繼璋未讓記者提問便趕入去開咪。
另外，前任主持曾志豪昨早於《瘋Show快活人》播出的同時段，在他與拍檔貴花田（陳寶玲）開設的「瘋Show快活人」fb專頁開直播打對台，有逾2,500人支持，直播中，貴花田更以視像通話向觀眾打招呼。不少網民留言為曾志豪打氣，同時力插梁繼璋：「聽咗一陣新陣容嘅《瘋show》，真係好難頂。」