哥倫比亞星期日喺耶利文拿下半場擺老烏之下，喺美洲國家盃B組以1:2輸咗畀秘魯，後者贏咗之後仲有出線淘汰賽嘅希望。秘魯喺上屆美洲盃殺入咗決賽，但之後12場比賽只係贏咗2場。同組另一場波，委內瑞拉憑朗奴靴南迪斯喺補時射入，以2:2逼和咗厄瓜多爾。目前，哥倫比亞喺B組以3場得4分排第2，領先2場得3分嘅秘魯1分，委內瑞拉3戰得2分排第4。衞冕嘅巴西2場贏哂有6分排喺B組榜首，之後會喺星期三對哥倫比亞。