法國嘅保羅普巴踢緊歐國盃，早前仲話唔想傾球會嘅事住，不過佢嘅經理人拉奧拿已經同曼聯傾緊續約，英媒指普巴好大機會會同曼聯續下五年嘅新約，周薪高達40萬鎊，到時佢就可以成為英超最高周薪嘅球員。目前拎緊30萬鎊周薪嘅普巴同曼聯只係剩番1年合約，有指球隊為咗避免呢位28歲球星之後完約自由身走人，決定開出全英超最高40萬鎊周薪嘅新約，希望可以令佢留低，但有傳祖雲達斯同皇家馬德里對呢位中場依然好有興趣，唔知高薪嘅合約可唔可以打動普巴。目前英超比普巴高人工嘅球員就只有兩位，分別係38.5萬鎊嘅曼城中場奇雲迪布尼嘅同37.5萬鎊嘅隊友迪基亞。