父親節本應是一家大小共敍天倫之日，但有在囚嘅兒子卻因困高牆內而缺席。石牆花專程替呢班在囚嘅兒子向牆外嘅父親們送上小禮物同鮮花，不過可能爸爸們比較內斂，加上仔仔喺獄中受難，都冇乜心情慶祝。石牆花話，父親節前夕打咗260個電話，約有40個爸爸願意接受，代手足送禮雖然有啲「膠」，但係面對如斯苦難，的確有需要一點甜。
代手足送暖都己經唔係第一次做，石牆花喺上月母親節時，打了260個電話，有147位母親願意接受我們代獄中手足送出的一束鮮花和一些小禮物。父親節呢日，石牆花本來打算替260個父親們預備一份小禮物：一罐台灣啤汽酒、腰果、台灣伴麵、生果同超市禮券。當禮物送到40幾位父親手上時，好多爸爸都悲從中來，雙眼發紅，不能言語。正正因為父親們都比較壓抑情緒，能夠送上一份暖意，可以為父母親加點力，都係十分有意義。
前日仲有張超雄喺石牆花做「傾偈師」，希望能夠畀在囚人士嘅家人抒發一下積壓情緒，將不能公開的眼淚好好紓緩。石牆花仲預告，遲啲會分享「步兵」義工嘅送禮小故事，讀者要繼續留意支持喇。
李八方