陳豪與森美兩位圈中型爸昨日在西九龍出席電影宣傳活動，提到如何慶祝父親節，森美即大呻仔女已踏入青春期，不會太黐身，他說：「阿女都14歲，佢起身眼尾望到我想索吻已經閃避，不過佢都整咗芝士蛋糕同咖啡畀我，已經好開心。」在旁的陳豪即笑言：「好彩我個女仲細，𠵱家有得攬好攬，有得錫就錫多啲。」森美笑說女兒會偷望自己便感滿足，他也明白年輕人心理，因為自己也曾經歴過。森美同時透露在英國留學的大仔剛回港，待兒子完成隔離後，會約父母食飯。
陳豪則表示昨日陪七歲大仔考跆拳道考試後，一家人已食午餐慶祝：「做完嘢，今晚媽媽（陳茵媺）準備晚餐同蛋糕，大家一齊開心食返餐。」