譚杏藍（小花）有份投資的健身店昨日於銅鑼灣舉行開幕禮，獲好友「牛雜妹」李亦喬與羅詠怡等撐場。小花跟ToNick主音趙善恆拍拖九年，早前恆仔接受陳志雲訪問時表示鐵定會娶小花，小花笑說：「其實大家都講咗好耐，我哋一齊已經九年，大家相處得好好，有傾開心同唔開心嘅事，但係就冇傾結婚生仔，覺得未係時候，都係以事業為先，相信緣份。」問到會考慮奉子成婚？小花說：「一切隨緣，突然降臨嘅話先進行，隨時註冊都冇所謂。」
另外，自嘲一向肥底的牛雜妹，現在要努力運動及注意飲食，又表示希望參加健身中心的減肥比賽，她笑說：「希望有額外獎金，我好等錢使，疫情下工作少咗，我要努力養屋企人同自己，好大壓力。」