無綫女藝人鄧伊婷嘅巨型廣告近日喺紅隧、銅鑼灣出現（下圖），正當有網友推測有金主為佢大賣廣告時，鄧伊婷噚日向傳媒澄清係美容廣告，仲笑住話：「我冇姜濤咁厲害。」
李炘頤（Alina）雖然喺《全民造星III》十強止步，但工作多多嘅佢喺Ig貼出新拍嘅脫毛廣告。Alina着上火紅色泳裝玩滑浪外，仲擺唔少靚甫士，但佢嘅男友兼MIRROR成員邱士縉就搞笑話：「大膽！」
近日不停開工嘅鄭秀文噚日喺Ig貼出背脊全裸嘅相片，相中見佢因刮完痧令成個背脊連手臂刮到紅色一撻一撻，連脊骨位都完全現形。雖然Sammi話好爽，但唔少人睇到話恐怖。
關禮傑（左）嘅大女關楓馨近日參加港姐備受關注，但原來關禮傑正身處內地，日前仲同鄭浩南喺抖音做直播，網民大讚現年59歲嘅關禮傑同56歲嘅鄭浩南，形容佢哋係型佬代表。
