現年22歲的無綫藝員吳偉豪憑《愛‧回家之開心速遞》的「朱凌凌」一角讓觀眾認識，但上月初網上流出一段疑似是他的不雅影片，令其形象大受影響。潛水一段時間的吳偉豪昨日出席《愛》劇宣傳，大方承認自己是片中主角，但表示已交由警方處理，不方便討論，他說：「條片係我嚟，其他嘢唔回應，專注工作，想多謝返呢段時間支持我嘅屋企人、同事、朋友同fans。」問到為何會拍這條片？吳偉豪說：「都唔方便回應，都覺得唔應該做。」他又多謝無綫寬待。而網上流出片段後，網友對吳偉豪的下體大小有很多評論，他就表示不會影響心情，又說：「都冇乜放喺心度。」對於有傳片段是前女友放出來？吳偉豪說：「大家諗多咗，交咗畀警方處理，唔方便回應。」
此外，呂慧儀被發現腳有傷患，她指日前在沙灘拍攝一場落水戲時被蠔殼鎅傷，已逐漸康復。呂慧儀又指兒子會跟爸爸黃文迪一同慶祝父親節，她說：「佢哋已經約咗一齊慶祝，當日我要工作，爸爸係囝囝心目中的英雄，日前做功課畫咗一幅圖畫送畀爸爸。」
