顏卓靈、鄭欣宜和許廷鏗昨日在中環出席服裝品牌店開幕，早前考獲瑜伽導師牌的顏卓靈，穿上打底top晒纖腰，成為全場焦點。許廷鏗即場分享小秘密，原來他已經12年沒有以短褲在幕前亮相，笑指一直以來性感底線在腳眼，他說：「好耐冇見過菠蘿蓋，覺得幕前着長褲會莊重啲，但𠵱家感受到好爽。」
許廷鏗否認為錢甘願將弱點暴露於人前，更笑言：「咁幾千萬條褲咪可能短到三角褲。」不過，欣宜希望好友接多些三角褲工作，許廷鏗竟然說：「三角褲好大……心理包袱。」他更表示平日着泳褲有配四個骨褲打底：「唔露晒出嚟，若隱若現先好睇。」相反欣宜崇尚自然，着泳衣不會打底，即使影相亦不會P圖：「有時同粉絲合照，影完都認唔到自己，第日失咗蹤睇相都搵唔到。」