歐洲國家盃唔到我寫，大把名家，想聽我分析，順勢賣吓廣告，就要睇《EURO借富》啦，星期五又有第二集，集中講德國對葡萄牙呢場大戰，大家要捧場！
歐國盃踢完，下年就到世界盃，其實各洲外圍賽都踢到火紅火綠，香港隊外圍賽已經無緣出線，星期二對巴林希望拎到尾彩。其實家陣分組賽剩低B組仲有得爭吓，提早出線嘅澳洲（黃衫），就鬥要力保次名嘅約旦。澳洲今次預計會放好多後備落場，搞到盤口有調整，初步睇約旦就要讓平/半，不過澳洲國家隊感覺都幾正氣。既然約旦和波都可以次名出線，呢場都傾向保守，下盤就一定，補埋個「細」穩陣。
另一場就係大家都好鍾意去旅行嘅台灣，中華台北鬥科威特。台北之前都叫有返進步，叫做同香港有得踢吓，唔知點解今次賽事咁差，7場波輸晒失成32球，以前鬥心冇晒。科威特對住已經準備放假返台灣嘅台北，大炒冇問題，讓幾多都要得過，要埋個「大」。
文：黃耀富
截稿前馬會尚未開盤，盤口僅供參考，讀者記得留意足智彩網頁。