現年36歲的楊淇因疫情令工作量大減，據知楊淇過去一年在大學校園擔任全職保安員。楊淇日前大方向《蘋果》承認擔任保安員一職，她說︰「好大原因係因為疫情，初期做唔同類型兼職，例如整蠟燭、侍應、賣花、廚房，想接觸唔同行業。」不過疫情一波接一波，楊淇索性找一份長工，她說︰「連餐廳都冇得做，覺得恐懼同冇安全感，我就選擇喺大學做保安員，做咗一年喇。」
楊淇不介意當保安員，覺得演員應該有不同體驗：「16歲入行嘅我，對演藝以外世界認知好少。有個念頭想做晒所有行業，體驗一下，喺大學接觸到唔同階層，認識好多同事及上司，下個月要準備排戲，有少少唔捨得。」她9月底將與游學修、白只等演出舞台劇《久天長地》。