上周推介兩場挪超讓平/半上盤，基斯迪辛德順利贏波，不過薩普斯堡就和波，一中一輸。
周中繼續推介挪超，焦點落喺波杜基林特（黃衫）同莫迪兩強；先講波杜，今季要好似上季咁入咁多波，仲未係時候。暫時佢哋7場波入13球，平均唔到兩球，同上季平均入3.4球爭好遠。好彩球隊入得唔多，都叫失得少，所以仲保到榜首位置，主場4場比賽有3場冇失波，睇怕今場都似悶悶地贏。
睇番初盤，世界博彩公司平均值，波杜主W就1.28倍，足智彩開唔開「讓球」一球/球半盤就未知，「讓球主客和」[-1]要博「主勝」，風險亦大。波杜周三對手史卓加斯特，上場雖然爆冷贏洛辛堡，不過作客就麻麻，兩場輸晒兼冇波入，今場一定希望減少失波，「細」諗得過。
前冠軍莫迪以14分排第3，球隊表現就唔及波杜穩定，屬於大起大落嗰種。周三莫迪主場對薩普斯堡，勝望都幾壓一，主W同波杜一樣1.28倍，但「主勝」同樣有風險，呢場要「大」似乎更穩陣。
文：Goal進
截稿前馬會尚未開盤，盤口僅供參考，讀者記得留意足智彩網頁。