71萬7人抽iBond，反應空前。
狂抽派估計，今次是最後一次，冇附帶條件自抽，下一水，恐怕會有抽股「附件三」，辣招可能是咁的：
一，打咗國產針先可以抽。二，抽前宣誓擁護国安法。三，證明自己過去現在都冇睇過、冇拍過「禁片」。四，「大日子」時沒有着黑衫出街。五，抽中咗要交出鎖在保險箱的BNO。六，無做過任何種類的XX師。七，就算係屋企廁所關埋門都冇講過三萬thx。八，唔認同元朗大棠個大屎坑與721元朗白衫有關。九，抽中咗要簽同意書，選立法會一定不會投白票。投白必須付出代價，嘔返七倍的iBond出來。十，無論邊位當選特首，抽到超過一手iBond的市民要公開表忠，ABC，靠大邊。十一，iBond在手明益你，必須應承六四33、六四34…直至六四58的2047年，如果鬥長命贏咗，絕不會去維園燭光悼念。十二，既然有閒錢抽iBond，若然政府再開倉，唔使預呢71萬7千，慳返！十三，反躺平！十四，堅決撐習大大的「共同富裕」！