今屆香港小姐競選日前進行初次面試，面試佳麗質素參差，網民嘲笑ViuTV的《造美人》移師到無綫舉行，令今屆港姐未選先製造笑料，話題多多。林作提名被形容為「東涌羅浩楷」的霍韻璇（Kirsten）參選，更硬銷對方有「佛相」及仙氣，明讚暗踩，令大家對Kirsten留下深刻印象，最令人震驚原來林作未見過Kirsten，卻「盲提名」答應做提名人。原來林作媽咪王莉妮（Lily）亦有提名「契女」霍穎璇參選，眼光明顯高得多。
相對林作的「盲提名」，林母Lily提名的霍穎璇樣子甜美有文青氣質。霍穎璇是理工大學畢業生，跟Kirsten同樣現年19歲，林母大讚霍穎璇有麥明詩影子。巧合的是，兩位佳麗同樣姓霍又是19歲，中文名只差一個字。
林作連日來力撐Kirsten，前晚更在fb留言：「突發：霍小姐成功打入第二輪！全港市民！我哋一齊集氣推爆佢成為今屆冠軍。」網民以為「東涌羅浩楷」Kirsten可以有第二輪面試機會，反應熱烈，「梗係啦收視保證」、「佛光加持」、「Ｏh my God！一個爛台要去到盡」令Kisten的面試相成網民潛力圖。事隔一小時後，林作再次發帖：「加油！你承載着成個東涌嘅希望。你係東涌之光！」不禁令人生開始懷疑到底哪位霍小姐進入第二輪面試。
《蘋果》向林作求證，他說：「係媽咪嗰個，我提名嗰位希望佢吉人天相。」林作此言，顯示他跟Kirsten似乎不熟，問到二人怎樣認識，林作回答：「我未見過佢，同佢唔熟，只係有網民託我提名佢，我又願意。我覺得佢實在太震撼，僅僅如此，我對佢好有信心。每年都好多人介紹女人叫我提名，我唔需要見，已經認定係佢，有啲嘢一眼定情。」
林母Lily昨日接受《蘋果》電話訪問時大讚「契女」霍穎璇有冠軍相：「我覺得佢生得好可愛，樣子好甜又清純，我好鍾意佢，你哋要多啲提點幫佢，我仲希佢做我新抱！」可見她繼續嫌棄林作現任女友裕美，始終不肯嘗試接受，林母續說：「哈哈，我喜歡港姐多啲！」
