楊洛婷下月便誕第二胎，剛巧今年是她跟老公、樂隊Dear Jane主音黃天翱（Tim）拍拖15周年，早前二人到沙灘影靚相紀錄這兩個重要時刻。楊洛婷懷第二胎後足足重了30磅，肚圍達44吋的她慶幸身手仍然靈活，穿上閃片紗裙躺在水邊石上擺甫士任Tim錫，由於上圍升cup，她笑言「倒瀉奶」。
原來楊洛婷和Tim拍拖時經常行沙灘看日落和數星星，因此才決定在沙灘拍攝：「呢次影相最難就係Tim個期，佢近日又錄歌又拍戲，仲要就埋天氣，影相嗰日朝早藍天白雲，點知等到中午入去沙灘，啲雲出晒嚟，老公就安慰𠱁番我，好彩啲相出嚟效果好靚。」Tim則自爆當日影相連底褲都濕透：「攝影師叫我哋坐喺水度，我好自然一下就坐咗落去，點知成條褲濕晒，連底褲都濕埋，影完先醒起自己冇褲換，要濕住返屋企。」