反修例運動踏入兩周年，至今有過萬手足被捕，每個環節嘅支援都缺一不可。一直為反送中運動在囚者、還柙者、被告、被捕者同傷者提供人道支援嘅612人道支援基金，再次呼籲市民有錢出錢，基金最新披露佢哋可動用結餘不足只得200萬左右，不足以應付6月份開支，冀市民捐款支持。
基金自從改變籌款政策，盡量減少保存現金後，開支基本變成月月清，佢哋呢兩日喺fb專頁就發帖，話6月份預計開支達1,500萬，當中包括641位被告嘅法律費用，以及超過100位在囚還柙者嘅物資同其他支援。帖文出街唔夠24小時，八方見已經被網民轉載分享近2,000次，同時有超過3,000人讚好，唔少人亦留言話已經「DONE、略盡綿力」，甚至上載入數收據，用行動顯示香港人一直喺度繼續堅持，信守大家初衷同約定。
612基金唔經唔覺已經提供超過20,000人次嘅直接支援，但究竟呢個數最後升到幾多暫時冇人會知，基金今次再次呼籲大家捐錢，八方對達標極有信心，而基金亦設有網上月捐或定期捐款，令基金可以放心有更穩定資源繼續提供人道支援。
李八方