男子組合ERROR成員郭嘉駿（193）因寸嘴上位，工作量大增。日前ViuTV的fb專頁出公告指193將與《最後一屆口罩小姐》冠軍「浩南」鄭伊琪及曾參加《美選D.n.A》的譚凱倫（Helen）合作主持《晚吹：戀講嘢》（暫名），三人化身戀愛專家，協助女士解決愛情煩惱。
193回覆《蘋果》表示節目預計在8月初播出：「暫時係26集，如果做得好，長做長有。每集會有嘉賓講自己感情，我主要分享朋友經驗，我唔知自己會唔會搞到佢哋喊，不過我會直接講意見。」消息公佈後，很多人戥193單飛做節目高興，另一方面有人就擔心有節目會被刪走，「唔好cut空肚講宵夜同又要威又要戴頭盔呀」、「唔好cut二汶、強尼、祖祖」等，一哥強尼被問到《晚吹》是否會進行改革？他說：「我暫時冇收到話完住，《晚吹》13集為一季，通常每完13集就會知繼唔繼續。」