太極樂隊日前宣佈將於8月7至8日於紅館舉行演唱會，日前隊友齊集開會，其中討論新一輯廣告細節。演唱會廣告以動畫形式製作，眾人的容貌四秒後慢慢變老36年，即是90多歲的太極老人，廣告中有四秒拍着鋼琴留白，向已故的唐奕聰（Gary）致敬。
鄧建明（Joey Tang）笑言被自己的老樣嚇親：「初初諗邊個咁大整蠱呀？原來係由老變後生，咁都好啲，因為有比較，𠵱家睇落仲靚仔咗好多！今次個騷好多Gary生前嘅好朋友都話想幫手，所以好多人都嚟支持。呢一刻我哋仲未綵排，但都唔習慣冇咗佢，每一個細節都預佢一份。」Hi-Fi德則說：「𠵱家世界日日改變，呢個騷都因為病毒延期咗幾次，下次再聚都唔知幾時。」