人氣組合MIRROR的ViuTV節目《調教你MIRROR》前晚首播，12子要接受梁祖堯的調教，鏡頭前深情剖白。節目播出即引起討論，不少網民大讚：「姜B嗰種明星氣場」、「呂爵安好綜藝」，也有人留言話嫌節目只播映半小時「唔夠喉」。至於無綫變陣安排方力申與唐劍康（當奴）主持的《鬼上你架車》在J2台的同時段硬撼，網民一致嘲諷：「無綫係咪講大灣區鬼古？」有人更說：「叫方力申講鹹古算啦。」
《調教你MIRROR》今晚播出第三集，內容圍繞成員陳卓賢（Ian），他在節目中坦言MIRROR現今「力量比起成軍第一個演唱會薄弱咗」，因大家需要兼顧各自的工作。經理人「花姐」黃慧君則希望，梁祖堯可以幫Ian「open up」（開放）自己。花姐更指Ian令她感到擔心：「佢令人覺得同佢有好大距離，佢遇到問題或者唔開心都唔會講，咁樣好易令人有誤會。」花姐自爆常跟Ian嘈交，梁祖堯亦覺得Ian非常保護自己，隨後更安排Ian到麵包店，跟老闆娘學整麵包，過程中Ian確實有啟發。
