唐詩勁和男友崔建芒現經營YouTube頻道《智將情侶》，但工作難免有磨擦，「佢成日覺得我態度差，不過係真，因為大家太close所以唔使修飾，加上有一段時間只係同佢做嘢，令大家私下溝通時間好少，唔記得大家係情侶關係，甚至我有種唔想再見到佢嘅感覺，好悶。」
談到男友優點及缺點，唐詩勁說：「佢完全接納到我嘅情緒，好明我係一個乜嘢嘅人，將我奇怪嘅地方睇成優點，啲人笑我係咪黐線，但佢就話我好搞笑。」至於缺點，她指男友有嚴重「拖延症」，單是為家中選購座廁也遲遲未選好，並直認二人將會同居，亦討論過結婚，初步計劃三年後。不少年輕人都計劃移民，但她此刻想留在香港：「走，講就易，有時去旅行十幾日返嚟都想飲杯茶走、檸茶同食個燒味飯，實行要顧慮太多，衝埋呢幾年再睇吓。」