周潤發近年帶領不少圈中人行山，當中有曾患鼻咽癌的張達明及接受「通波仔」 手術的盧海鵬，他們皆指身體狀況大有改善。腫瘤科醫生潘智文（圖）昨日接受《蘋果》訪問時亦指自己不時提議病人多行山，她解釋：「行山係一種帶氧運動，所以係對心肺能力有幫助，另外對一啲上咗年紀嘅人嚟講，行山亦有助鞏固肌肉，唔會咁易唔夠力、萎縮同疲倦。另外對心理都有幫助，因去郊外睇吓大自然，身心可以得到放鬆。」潘醫生又提到若是癌症如乳癌康復者，不妨每星期做約120至180分鐘的中至強度帶氧運動，可以有效防止癌症復發。而不少有「三高」問題的都市人，若做帶氧運動可有助調節病情及減低食藥份量。
潘醫生補充說：「𠵱家天氣熱，小心行山會中暑，另外上咗年紀嘅要留意自己關節可唔可以應付上落山。」潘醫生叮囑初行者必定要循序漸進，選擇合適自己的路段及行山時間，裝備充足及最好是一班人同行，方便照應。