歐洲列強近日繼續備戰歐國盃，其中比利時同荷蘭都喺周日嘅友賽贏波，兩隊主力射手盧卡古同迪比齊齊有波入。比利時就靠盧卡古上半場一箭定江山，1:0小勝克羅地亞，呢球仲係佢國家隊生涯嘅第60個入球，成為隊史最多入球球員。另一場荷蘭就3:0輕取格魯吉亞，迪比就射入極刑為球隊先開紀錄。