林家謙、姜濤、陳卓賢（Ian）、林二汶、梁嘉茵（Serrini）及李幸倪（Gin Lee），早前在《Chill Club推介榜年度推介20/21》中成為男、女歌手獎項得主，昨晚齊集旺角麥花臣場館演出音樂會，大批姜濤和Ian的粉絲一早到場外影大合照。林二汶打頭陣出場演唱《最後的信仰》，唱完《驚人》後說：「今日係《Chill Club》第一次喺外面錄影，今次有現場觀眾，你哋可唔可以畀麥花臣或者紅館嘅聲嚟聽吓？」
林二汶唱完《破曉》後，姜濤、Ian和林家謙出場合唱《The Best Is Yet To Come》冧粉絲，之後Ian留台上獨唱《鯨落》，並解釋合唱《The》曲的原因，他說：「我諗我哋係互相心目中嘅男歌手，揀呢首歌嘅意義係有好多好有才華嘅歌手值得被欣賞，我哋做緊嘅嘢唔會係最好，只會更好，希望大家睇到我哋越嚟越好。」之後他與Serrini合唱，唱至中段更拖手跳舞。此外，Serrini昨日到銅鑼灣出席活動，正籌備月底九展騷的她呼籲大家不要買黃牛飛。