陳凱琳昨日到尖沙嘴出席曲奇店活動，宣傳親自設計的曲奇及蛋糕：「之前都同呢個品牌合作過，今個月我生日，我就話不如搞多次，呢次係第一次整埋蛋糕賣，慶祝我29+1。」記者笑指她是人生勝利組， 她笑着否認，只希望一家人齊齊整整：「以前上網睇人哋點樣大事慶祝30歲生日，𠵱家覺得簡簡單單就OK，最多去staycation，玩完唔使執屋嘛。」
問到老公鄭嘉穎可曾為她造蛋糕？陳凱琳說：「冇呀，反而我有整畀佢同阿仔。之前拍劇好大壓力，整甜品嗰陣，可以唔使講嘢。」她笑謂現時未有能力開甜品店，即使老公打本，她亦不想：「唔好，好似人哋話送寵物咁，要打理真係唔容易。」