阿根廷喺禮拜四嘅世盃外，1:1賽和作客嘅智利，賽前一座五米高嘅馬勒當拿銅像喺球場外揭幕，成班阿根廷球員都有出席揭幕儀式。出場時所有阿根廷球員件衫都有老馬嘅相，不過當然落場就換返普通波衫。雖然美斯射入12碼先開紀錄，仲一度模仿當年老馬嘅慶祝動作拍打自己胸口，可惜最後都係無法以一場勝利獻畀呢位傳奇。
