國際米蘭周四確認施蒙尼恩沙基（圖）會取代干地，簽約兩年，正式接手藍黑軍團。施蒙尼恩沙基2016年開始執教拉素，贏過意大利盃同兩屆意大利超級盃。上星期「細恩」宣佈離開拉素嗰陣，已經有傳佢會執教國際米蘭。另外，國際前鋒盧卡古受訪嗰陣表示下季會繼續留喺聖西路，打破咗佢重返車路士嘅傳聞。盧卡古仲話細恩上任前，已經同呢位新上司聯絡過。