世界盃亞洲區外圍賽家陣踢緊，香港隊都有份，希望大家為港隊打氣。好笑在南韓、澳洲當然有份踢，不過當地聯賽就繼續，蔚山現代、全北汽車等勁旅都有主力缺陣，呢個情況梗係要對家。
上季冠軍全北汽車，今季完全走樣，已經七輪聯賽未贏過，榜首大戰俾蔚山現代打沉，仲要輸2:4㖭。以往全北靠硬淨防守搵食，但今季就完全走樣，連續六輪有失波，今次仲有後衞李鎔要踢國家隊，真係唔多睇好。
FC城南近期進攻好番好多，而且鬥志唔錯，今季六場輸波，有5場都只係只輸1球。今次初盤全北要讓半/一，下盤最多輸半個，不過對贏盤好有信心。
韓職嚟講，FC首爾近九輪都未贏過，求佢哋入波都幾艱難，不過對住如日中天嘅FC大邱，都只不過受讓半/一。大邱雖然悶悶地，成日贏1:0、2:0，不過呢啲波先好賭，上盤之外，FC首爾唔識入波，再補多個「細」，又開1:0就執晒2注。
文：黃耀富
截稿前馬會尚未開盤，盤口僅供參考，讀者記得留意足智彩網頁。