比利時媒體HLN報道，近半隊比利時國家隊球員擔心副作用會影響奪冠機會，拒絕喺歐洲國家盃之前接種新冠疫苗。負責比利時疫苗接種工作嘅Dirk Ramaekers就話有部份球員已喺海外接種，只有「1、2名」球員唔想接種。另外，比利時教練馬天尼斯就話奇雲迪布尼（圖）首場分組賽未必打到，呢位曼城球星喺歐聯決賽撞到鼻骨骨折，就算復出，都要戴住面罩踢。