德甲班霸拜仁慕尼黑禮拜二宣佈，現任球會CEO路明尼加（右）會喺月底提前退休，佢嘅空缺將會由另一位拜仁名宿「大猩猩」簡尼（左）接任。拜仁過去20年喺路明尼加嘅領導下先後贏過2次歐聯、2次世冠盃、14次德甲同10次德國盃冠軍。即將接掌拜仁嘅簡尼就話，佢上任後會強化拜仁嘅青訓系統，等更多好似湯馬士梅拿嘅自家青訓球員出現。