【本報訊】六四紀念館面對被指違規違法壓力，昨日起被迫閉館直至另行通知。有「摸門釘」中年人士大表憤怒，直斥香港政府不知所謂到極點。
中年人士黃小姐（圖）昨晨到紀念館，最終摸門釘，大表憤怒：「香港政府玩嘢，搞到咁多年喺維園嘅活動都要取消。」她狠批說：「點解市民咁嘅活動都要剝削？真係唔明，呢個香港政府真係不知所謂到極點呀！離晒譜呀！𠵱家做啲乜啫？𠵱家正常嘅活動之嘛，又唔係做乜壞事。」
黃小姐認為支聯會應有兩手準備，現時被殺個措手不及，閉館令她陣腳大亂，打算六四當日再到紀念館碰運氣。
六四事件發生時仍是小三學生的馮先生稱，感覺歷歷在目，他指香港是充滿自由地方，中國政府亦定性六四為事件，為何今天卻要扼殺市民悼念的權利，「言論自由只會越嚟越收窄，個政權只係想你自己衡量邊啲講得，邊啲唔講得」。
鄧小姐同樣對坦克車進城畫面記憶猶新，認為政府做法如同把歷史回憶強硬抹去。她指，每年悼念集會是對事件追思哀悼，六四紀念館如同歷史博物館在訴說歷史。90後的吳小姐雖未經歷六四事件，但對閉館表示可惜 ，求學期間她曾參加同類展覽，認為歷史要口耳相傳下去，「紀念館對香港好重要，好擔心開唔返」。