阿古路雖然已經加盟咗巴塞隆拿，但據報道佢臨走前仲洗咗一大筆錢，買咗堆包括TAG Heuer同Hublot等品牌嘅名錶，嚟送畀曼城60位幕後員工，當中每隻都刻住咗「多謝！阿古路」（圖）。除咗隻錶，成班員工仲可以參加大抽獎，嚟贏取一架Range Rover嘅名車，據知今年曼城員工聖誕抽獎，部份禮物都係由阿古路出錢，都真係有情有義！