大姐明跟阿姐級的汪明荃、鄭裕玲、毛舜筠、鍾慧冰和曾華倩等好友組成「至八會」，八盡娛樂圈是非。提到資深傳媒人查小欣原本也是至八會成員，但傳聞她不守會規開咪爆料，被踢出局。大姐明直認：「會員都唔止佢一個出局（還有馮美基和寇鴻萍等），女人多就是非多，有人提出，我冇反對啫，實際係點唔可以講。」
至八會中，她跟鍾慧冰最老友，親密到對方於2016年患上脈管炎險癱，她為對方剪腳甲。除了至八會的好姊姊，大姐明與余慕蓮也十分老友，二人經常結伴去旅遊，更曾在一次郵輪之旅，因誤會搞喊余慕蓮。
入行將近半個世紀，相識遍天下的大姐明，提到有傳娛樂圈有人透過「飯局」為富豪介紹女藝人，大姐明說：「因為個圈好窄，有時有機會食吓飯識吓朋友，有時食完飯，人哋會覺得：『我封封利是畀你啦，因為你又搭車，又要化妝，又要買衫。』係咁之嘛，咁代表扯皮條咩？我約羅蘭姐、盧海鵬出嚟食飯，都會送禮物畀佢哋。」她越講越勞氣：「『我畀幾多錢你，你同我上床啦』，我唔敢講絕對冇，但好多人覺得女藝人稍為多咗機會，係同邊個上床，係咪上床就真係得？好似楚原同南紅，人哋真係愛吖嘛，咪結咗婚囉。」
場地提供：泰泰
