SiS樂印姊妹成員駱胤鳴前晚與拍拖逾五年的男友Kelvin在科學園行禮兼擺喜酒，不少好友現身見證這個甜蜜時刻。好姊妹麥美恩在社交網全程直擊婚禮情況，在短片上見到穿上紅色低胸晚裝的駱胤鳴，頸上掛有一條穿了五對龍鳳鈪的紅繩，手上又戴了三對龍鳳鈪。
對於婚禮最終順利舉行，駱胤鳴昨日回覆《蘋果》時，感謝一班朋友的愛和體諒：「我哋跟足咗法例，四人一枱，20人圍板，出入都要戴口罩，辛苦晒一班來賓，佢哋都好配合，大家都好有秩序，10點鐘真係清到場，我哋兩公婆未到12點就到屋企啦！」至於老公在接新娘時有否被姊妹團「考起」，駱胤鳴笑說：「我老公準備好兩封大利是，點知啲姊妹收咗第一封好順手就開咗門！好在之後玩遊戲叫老公同班兄弟扮Anson Lo（盧瀚霆），跳吓舞，留難咗佢一陣。」