2022年世盃亞洲外A組賽事，國足（白衫）禮拜日喺主場7:0大炒關島，但仲落後畀榜首嘅敍利亞五分，原本剩低三場賽事都會留喺蘇州踢，點知禮拜一中國足協就宣佈，因客軍馬爾代夫同敍利亞隊內爆發疫情，兩隊入境後要隔離就趕唔切參賽，所以國足同意亞洲足協嘅建議，將剩低比賽移師阿聯酋杜拜舉行，變相未來三場出線關鍵戰冇咗地利。