今年1月先執教法甲巴黎聖日耳門（PSG）嘅普捷天奴，有傳已通知咗PSG高層，希望球會可放佢一馬畀佢離開，不過PSG若堅持要佢2022年夏天約滿先可走人，肥普都願意配合。咁肥普下一站會去邊，除咗盛傳回巢英超嘅熱刺外，聽講日前同主帥施丹分手嘅西甲豪門皇家馬德里亦都睇中肥普，不過皇馬就要求肥普自行同PSG解約先再傾，唔想再燒錢幫佢贖身。