家有一老如有一寶，如果1隊波有2老又係點呢？對FC麥克阿瑟嚟講，就係有三分，周一澳職獨腳戲，麥克阿瑟就靠33歲嘅馬高蘇沙亞達同埋35歲嘅米利根上半場各建一功，以2:1輕取有伊卡哥洛辛拿破蛋嘅西部聯。麥克阿瑟贏波後累積39分，只要最後一輪主場對威靈頓鳳凰保住不敗，就肯定取得前六，首季參加澳職即踢季後賽，到時就真係威水。