羅馬自摩連奴掌印後，已有消息話今夏會大事擴軍，最近有指摩佬就睇中阿仙奴中場格列沙加。呢位前阿仙奴隊長受訪時都話畀摩佬睇中感到自豪，亦暗示對轉會持開放態度：「得到摩連奴嘅賞識當然自豪，所有人都知道佢過去嘅成就，亦知道點樣去贏取冠軍。」不過，沙加就話𠵱家只着眼喺歐國盃，時機成熟嘅話會先諗轉會嘅事。