基斯坦奴朗拿度（C朗）近期離開祖雲達斯嘅消息滿天飛，除咗話重返曼聯，又話會加盟巴黎聖日耳門，不過C朗女友佐真娜日前喺西班牙街頭拍攝一段名為《Georgina》嘅自身紀錄片期間，突有一名球迷喺佐真娜身後發問：「C朗會唔會離開祖雲達斯？」佐真娜即轉過頭講：「佢會留低。」唔知C朗回心轉意願留喺祖記，同艾基利回歸有冇關係呢？