利物浦上周四宣佈，已同RB萊比錫中堅伊巴希馬干拿迪（小圖）達成個人條款，呢位22歲嘅法國中堅將會喺7月1日正式成為紅軍球員。另外，西甲豪門皇家馬德里亦宣佈，啱啱同拜仁慕尼黑合約到期嘅奧地利後衞阿拉巴，將會以自由身加盟球隊，雙方簽約5年至到2026年，至於阿拉巴將會喺歐國盃結束後正式加入球隊。
