前亞姐筱靖今天度過36歲生日，前日獲友人搞生日派對預祝，席間筱靖的圈外男友兼生意拍檔Water（阿水）突然跪地求婚。筱靖昨日回覆《蘋果》時仍難掩興奮：「我完全唔知男友夾埋班姊妹搞咁多嘢，又佈置、又買花又戒指，好有心思，真係好感動，我事後都問佢，如果我飲醉咗咁點算。」她回想早在個多月前有位好姊妹忽然叫自己陪她去試戒指。
與Water拍拖四年的筱靖不忘大讚未婚夫：「佢好乖，唔煙唔酒，又有上進心，身邊朋友個個都讚佢。」問到婚後會生多少個孩子？筱靖說：「搞好婚禮先，生BB計劃未諗住，下一步先。」而她暫定待疫情穩定通關後才行禮，因可讓外地親友出席，分享喜悅。