相隔成一年半，中國國足（圖）會喺今日再戰世盃亞洲區外圍賽，A組主場迎戰已經出局嘅關島爭取出線。日前講到國足唔敢輕敵，教練李鐵派發每位國腳一隻USB，入面有晒對手嘅資料，包括踢法同特點等，不過國足係咪認到晒人哋邊個打邊個，都會令人懷疑！另外，內地媒體賽前就攞咗兩隊總身價比較，吹捧國足係對手嘅54倍，單係武磊一個，就已經等同幾隊關島加埋嘅總和。