2019年8月喺日職球隊鳥棲砂岩退役嘅前西班牙前鋒費蘭度托利斯（圖），上周二突然喺ig上暗示自己將會復出，仲會喺上周五公佈去向。直至上周五費托終於喺ig上載咗條短片，原來復出一事只係開吓玩笑，事實係為一間西班牙玩具商拍攝一段短片，宣傳5月28日嘅世界遊戲日。喺費托宣佈自己無緣復出之後，有唔少球迷就喺網上留言，表達咗自己嘅失望之情。