沈殷怡（Shirley）和強尼昨日在旺角出席咖啡活動，被稱「ViuTV一哥」的強尼笑稱近半年獲公司帶挈，二人工作不斷。問到希望公司加人工或派花紅嗎？強尼說：「我真心覺得加人工應該加畀幕後、經理人。」Shirley亦說：「佢哋拍節目好辛苦，所以最好加人工畀『格仔Mike』（導演劉諾衡），冇阿Mike就冇我！」
提到ERROR成員梁業（肥仔）驚爆與初戀女友陳燕芬分手，強尼笑說：「我都係睇新聞先知，當然覺得可惜。」又指肥仔要找女友好容易，因為又紅又有才華，好人又可愛，「我係女仔都喜歡佢啦！」問到肥仔有否追求？Shirley笑說：「真係冇呀！可能我唔係佢鍾意嗰類型，哈哈！」