59歲的田啟文（田雞）剛卸任香港電影工作者總會會長一職，當年他由臨時演員捱起，到後來成為周星馳的御用演員之一，有過不少辛酸，早前他就為楊盼盼的節目《盼你賞面》擔任嘉賓。
田雞指入行首份工是在電視台當臨時演員，當時家人並不支持，認為他無過人之處，入娛樂圈只會乞食，他說：「佢哋話『到冇嘢撈你就知』，點知俾佢哋講中，惟有搵普通工，點知見工日收到電話話請我做『看景』，看住拍攝嘅場景。」在圈中的日子，他體會到自我增值的重要，主角也會有被淘汰的一天，他說：「另一次危機感出現，就係跟住偉大嘅神——周星馳，嗰時好多人都會話係跟住周星馳嘅田雞，但我諗『萬一佢退休唔做又會點呢？』，所以真係要居安思危。」