Uncle Ray十多年前曾入院接受心臟手術，幸好現時身體沒有大問題，不過近兩年試過做完節目，血壓低至80多度要躺下休息。雖然做了DJ長達71年，但他說：「我真係好有心想做，因為香港電台冇一個DJ識揀我鍾意嘅歌，唔係話我沙塵，我係好嘢，哈哈哈！好多聽眾跟我四、五十年，放低佢哋離開，我又傷心，佢哋又傷心。今年96歲唔係玩，我知道要退休，畀機會其他人，但有啲唔捨得。」
還有四年就100歲，Uncle Ray笑言屆時要在紅館開派對。他見證香港歷史變遷，包括二次大戰、六七暴動、九七回歸、零三沙士、近年的社會運動和疫情，他說：「我好錫香港，我有件事要講畀你聽，我12年前想去美國住，等咗12年，美國領事聯絡我，話我嘅申請批准咗，我話取消佢啦，香港好好多，我係香港人嘛。」