商界議員叫政府多派三千元給已打和預約打針的市民。疫情反覆年半，商家代表縮骨死性不改，唔怪得西環唔like，立法會必然等住廢物大清倉。派錢，美國兩個州大搞抽獎，拎N個百萬出來誘使國民伸出手臂，成功谷高針劑。香港庫房向商界保就業大開水喉，輪到商界「回饋」谷針的時候，生意佬算死草搵政府埋單，搞到689終於執何妖口水尾，提倡嚴懲，針或die，死線過後，要打針就要「付出代價」。何妖迫市民自費一萬蚊一針，689唔止講金，隨時上綱上線，指控拒針市民阻撓通關，破壞国安，攬炒經濟，配合外國勢力延續黑暴…唔使審了，最低門檻都要坐終身，689一條友說了算！梁營食住上發功，砌硬教育界，老懵董口中「冇遠見」帶晒子女移民英國的家長，令名校受壓，校長修訂收生標準，針咗才有機會面試，無針的孩子，就算天才過習神，都被篩走！對，愛國者治校，讓打針的孩子走得更遠！而十多萬公僕除了宣誓，還得接種，蘇州過後冇艇搭，到時一褲都係蘇州屎！
萬一打針出事，689側側膊冇承諾，老董說你可以打電話俾佢喎。老董谷針，當自己是999！針抵打，黐L線，再出發！