《大MK日》舞台劇17場預售門票火速售罄，立即決定加開至30場，但林日曦日前受訪時仍稱擔心票房：「有心理準備（因疫情影響），其實票務同行政上做嘅準備、工作量多好多。票房就等於製作費，一啲規模細少少嘅劇場仲困難，有時連七成半入座率，翻本都有困難。」
不過舞台劇加至30場，門票依然供不應求，前日宣佈加開最後八場，合共38場，但門票依然秒殺，不少撲空的觀眾留言大嘆失望。林日曦前晚在fb撰長文道歉：「有個記者問我個舞台劇有啲乜嘢message，我話message都係其次，最重要都係希望入場嘅觀眾可以重拾開心嘅感覺。𠵱家諗返起真係諷刺，因為未開show，已經搞到大家唔開心。」他叮囑大家不要買「黃牛飛」，又補充若入座率放寬，會立即安排發售多些門票。