周聰玲與胞弟發哥雖然感情不俗，但多年來兩人都甚少互提對方，而發哥入行多年也罕談家人，這是他保護家人不受騷擾的方式，故盡量低調。不過2017年因為周聰玲在公園長椅休息打瞌睡，令人誤以為她淪落街頭不獲發哥照顧，引來大眾關注。
2018年周聰玲接受香港電台《舊日的足跡》訪問時，為發哥平反，她透露發哥多年前已買了物業給她和弟妹：「我想講無言感激，一個親人照顧得自己咁好係福氣。每個星期屋企人都會出嚟食飯、飲茶，都係由佢召集兼付款。對於佢人生中遇到嘅不如意事，我唔會出聲，甚至唔會打電話畀佢，因為佢身邊有好多顧問、精英、高人，我畀佢安靜已經足夠。」她指兩姊弟經常講笑，有次她用了《Happy Birthday》作為電話鈴聲，發哥叫她不要隨便用：「有啲場面唔方便，例如有人喺靈堂三鞠躬，電話突然唱生日歌實俾人『炳』！」1999年發哥獲香港演藝學院頒授榮譽院士，周聰玲亦在場為他拍照（圖）。